何依婷（Regina）今日（30/12）現身將軍澳電視城出席《萬千星輝頒獎典禮2021》的「最佳男女配角」最後五強記者會。Regina表示：「其實我真係好開心，係因為諗都冇諗過會喺五強名單之中。而我好私心睇好劉佩玥，因為我本身認識佢，而且大家成日都會傾偈交流演戲心得，所以知道佢係好有鬥心同好有熱誠嘅演員。（臨近頒獎禮緊唔緊張？）其實係冇，反而我覺得好輕鬆。我成日覺得攞獎講緣份，獎項呢樣嘢係冇得強求。咁所以有獎定冇獎攞，我都會繼續努力。」