無綫真人騷爆拜金對白 22歲港女:買樓先係表達愛嘅方法

撰文:
最後更新日期:

TVB過往都會製作一連串話題性的節目,真人Show《沒女大作戰》、《盛女愛作戰》依然記憶猶新。《盛女》入面,兩性專家Santino講到需保持45度角姿勢與異性溝通,引起網民強力恥笑。早前推出《沒有起跑線?》,因有幼稚園一年只收10名1月份出生的學生,要計盡時間生出1月寶寶先得,而其中一位家長提出「贏在射精前」的言論,此話引起嘩然,覺得這種怪獸家長好恐怖。

其中一位女受訪者Seasun年紀輕輕,卻心頭高。講明「冇樓唔好白撞」,直頭向一班冇樓男士打槍。

而這些引起爭議性的節目,都出自編導岑應之手。她今次再有新作,就是實況節目《有樓萬事足》,將會在2月20日一連播5集。節目邀得一班不同背景、不同心態的香港人,如何在樓價飆升的時期,用盡千方百計置業。買樓這個話題一直都拗緊,今次也不例外,有金句有晒驚爆言論,看來又要引起一番爭議。

Seasun話有樓先係愛的表現,聽落真係一額汗......

節目的第一集,就已經有22歲妙齡少女Seasun講出驚人言論,看她有身材又後生,眼角原來都好高。她對於買樓的看法,延伸到擇偶條件,必先要有樓先有say,仲覺得有2千呎是基本,例如何文田舊樓就啱佢心水,Seasun認為:「男方買樓才是表達愛的方法!」更直言:「冇樓嘅話就唔好白撞。」Seasun這番豪語,似要挨罵多過搵對象,而各位男士覺得值唔值得?見仁見智了!

不過,正當大家以為《有樓萬事足》只不過是港女發聲筒時,都有個別case。另一位32歲熟女Inky就不介意另一半冇樓,因為自己由小到大都死慳死抵,早前靠自己買樓,都夠住。對她來說,目前希望「有樓招親」,只想有真愛降臨。剛巧節目又有男受訪者講到港女現時人工高,要調返轉搵個有樓嘅女人。唔知一眾男士又介唔介意?

【獨家有片】愛樓港女再爆「有樓有高潮」:高潮係基於安全感!

愛樓港女Seasun住過趙世曾大宅 17歲做公關兼任珠寶模特兒

Inky靠自己,買了個夠住的單位,現在只想有真愛降臨。未知各位男士會否加分?

節目還會有張秀文講下租樓的辛酸,仲話自己未來6個月都冇工開?

除了素人,節目都有藝人分享對置業的看法。就好似28歲的張秀文,本身她公屋出身,冇樓在手,現時以一萬元租兩房單位。大家以為做藝人買樓容乜易,但張秀文就慨嘆做藝人要買樓同打工仔一樣難,甚至更難,真係要有一筆錢放喺度,還自爆:「預計嚟緊六個月都冇工開。」對於買樓,她似乎都沒有太大信心,皆因租屋已經夠晒甘:「樓價年年升,租金步步高升,可能交咗30年租都仲未成為業主,但係就養咗班業主30年。」聽落都好似幾心酸。節目將於下星期一播出,而家就聽到咁出位的言論,未知到時會唔會有班人爭住認同有樓就是一切呢?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。