何廣沛認擁有成人網站會藉 陳曉華不介意男友睇A片:加佢分!

撰文:吳子生
出版:更新:
陳曉華不介意男友睇AV片。(梁碧玲攝)

何廣沛和陳曉華今日(3/1)現身荔枝角出席無綫劇集《異搜店》宣傳造勢活動。提到日前亮相自家製「食腦」頻道中,被好兄弟方紹聰大爆其擁有成人網站VIP會藉,令他感到非常尷尬。何廣沛笑言:「其實確有此事。但我就覺得呢啲係好正常嘅事嚟,而且係真男子會做嘅事。如果我否認嘅話,我就係一名偽君子。不過而家我就取消咗個會藉冇再睇,而美好嘅時光係好短暫,只係用咗半個月,就被人盜用咗個戶口。呢頭我分享咗俾郭子豪同方紹聰,之後個戶口就冇咗,所以我懷疑佢哋兩個手腳唔乾淨,將個密碼外洩咗。」

何廣沛被好兄弟方紹聰大爆擁有成人網站會藉。(梁碧玲攝)

而陳曉華就覺得男性上成人網站睇性AV片屬正常事:「其實我都接受到另一伴去睇呢啲片㗎!(會唔會一齊睇?)唔⋯⋯哈哈!其實我真係冇聽過可以做會員呢樣嘢,所以我就覺得有啲驚喜。如果我男友有做會員,我諗我會加佢分。」何廣沛聽到加分兩字,表現驚訝即刻睜大雙眼望住對方。陳曉華即時說:「咁呢啲正常嘢嚟嘛!(咁會唔會一齊睇?)咁唔會囉。我諗我會拉埋佢一齊睇浪漫嘅嘢多啲。」何廣沛笑說:「哦,原來大家喜愛唔同。」

你可能感興趣