麥明詩找數開live唱悲歌 明反情人節：似足清明
撰文：郭敏玲
出版：更新：
昨日麥明詩揚言會找數，真係實牙實齒。（網上截圖）
早前麥明詩講到情人節當晚會在facebook live與網友分享情人節心得，事先還在ig講明會找數，還笑言：「#睇完呢個直播你會學懂溝女」。來到正日，麥明詩成為「找數女漢子」，吃過晚飯後安坐家中開live。
那麼，說好的「睇完會學懂溝女」呢？麥明詩原來做標題黨，就話純粹講笑。講完笑，麥明詩揚言要「反情人節」，與其唱冧歌，不如大反其道唱sad歌。由於麥明詩細個唱choir出身，所以唱的歌大多都是歌舞劇的歌，加上她最近看了歌舞電影《La La Land》感受很深，表示不要為了工作而忘記當初的興趣，一連串唱了《Audition》、《I am not that girl》等歌，不過未知是否剛開始，麥明詩有點緊張，有網民就話：「有啲震喎。」麥明詩唱了幾首歌後，自知有點離地，後來都有唱陳奕迅的《淘汰》，埋尾還唱了《You Raise Me Up》及Beyond的《海闊天空》，雖然有甩拍子，但都誠意十足。麥明詩亦透露唱歌會追到女，如果有人為她填詞作歌，一定會冧爆。
麥明詩話情人節要贈慶，唱一連串又灰又sad的歌，大show琴技。（網上截圖）
麥明詩開live都少不了講金句，提起情人節就話：「出去食飯又好貴，要慶祝唔一定係正日嘅。」又話情人節好似清明節咁：「都係送花，又要燒啲錢。一個係用真錢，另一個燒假錢。」網民聽到這番說話不但冇話掃興，仲好認同！除此之外，有不少網民留言：「林作！林作！」，更提議兩人復合。麥明詩就話：「唔好成日講人哋啦！都唔喺度。」仲話自己「一心不能兩用，真係好專一。」好似語帶雙關。