MIRROR獲同劇演員岑珈其林家熙狂讚：天生食表演呢行飯

MIRROR三子Lokman（楊樂文）、Stanley（邱士縉）、Frankie（陳瑞輝），以及演員凌文龍、有份亮相人氣YouTube頻道《試當真》岑珈其（Kaki）林家熙（Locker）今日（4日）出席新劇《IT狗》宣傳活動。

岑珈其受訪時坦言，與MIRROR拍劇好開心，「玩到好癲，收唔到科。」兩人主要同Lokman有對手戲，他們大讚MIRROR三子有表演才華。岑珈其說：「Lokman本身有演戲經驗，唔使教佢哋。佢哋全部都好犀利呀！如果你問我，我覺得佢哋天生食表演呢行飯。」

他又大讚Lokman性格超好無架子，他說：「佢好知道自己要做咩，好專業嘅表演者。私底下都好nice，你有乜嘢想搵佢幫手，請教，佢都一定會幫。Stanley同Frankie都好好，主要係佢哋三個喺度嘅日子，我哋都好多美食呀！我哋都要多謝佢哋啲Fans，因為成日請我哋全crew人食嘢。」Locker則坦言：「我哋化學反應好好！同埋私底下我有教Lokman跳舞，佢主動Book Studio、WhatsApp我教我跳舞，好好呀個人。」更指會請食飯答謝對方。