吳卓羲突襲跨年騷被指為戀情試水溫 緋聞女友菊梓喬：啲水好凍。
撰文：吳子生
出版：更新：
對於與吳卓羲傳緋聞，Hana表示沒有感到有壓力。（梁碧玲攝）
菊梓喬（Hana)今日（5/1）現身將軍澳電視城出席《慈善星輝仁濟夜》記者會。提到最近與吳卓羲的緋聞戀情引起全城熱話，因男方在跨年騷不避嫌到場睇騷突襲後台撐Hana場，受訪時更敢言：「我嚟得都預咗見到大家，其實我嚟得仲怕咩。」不過就有人認為吳卓羲上次在微博Tag菊梓喬純粹試水溫，見外界反應不大，就索性突襲後台擺明車馬半公開戀情。
Hana今日現身將軍澳電視城出席《慈善星輝仁濟夜》記者會。（梁碧玲攝）
Hana就上述事件接受《香港01》訪問時笑言：「踏入咗新嘅一年，最緊要大家開心啦，健健康康。（你哋係咪試緊水溫？）啲水好凍！哈哈。而佢嚟睇騷，講個番說其實幾正路吖，因為有邊一個人嚟睇騷 話會話怕嚟睇騷㗎！（騷後大家有冇聯絡？）有呀！我有問佢好唔好睇，佢話好睇。」