李國麟北上淪「最慘帶貨明星」後直認想返香港:好多同事叫我小心

撰文:陳栢宇
出版:更新:

現年67歲的李國麟自今年四月底到內地工作以來,一直未有回港,除了四出登台演出之外,亦有加入直播帶貨行列。可是,李國麟早前在直播間賣力推銷產品,播了足足8小時,貨竟沒賣出去幾件,有網民更估計他賺不到200元,淪為「最慘帶貨明星」。

67歲李國麟直播帶貨8小時竟無人下單 慘被淪為「最慘帶貨明星」

+18

日前,李國麟接受香港電台節目《舊日的足跡》主持車淑梅訪問便指自己需要澄清一下:「其實我總共做咗四場直播,第一場7月尾喺杭州,營業額8萬幾,量59萬7千人次;第二場營業額38萬幾,流量120萬人次,每次唔夠兩個鐘。」提到他被內地社交平台評為「劣質帶貨藝人」,他直言牽涉團隊的售後服務未如理想,給粉絲的禮物遲遲未能送到,即使成功賣貨38萬,結果退貨31萬。他直言非常失望,揚言不會再合作。

後來李國麟又參加了兩場直播帶貨,他表示:「嗰兩場同經理人公司做得好好多,做咗一次唔夠兩個鐘,一次四個鐘。可惜已被評為『劣質帶貨藝人』,營業額跌到7萬蚊,流量只得17萬幾。去年11月28日做最後一場,自己暫時停一停。」他稱會繼續登台、拍劇,因自己喜歡演戲多於帶貨,做直播帶貨只是想試試自己在陌生環境工作的能力。「我贏咗㗎喇,頭兩場佢哋都諗唔到有好成績!我贏咗㗎喇!好開心呀!」

李國麟靠「鳩摩智」內地吃得香 變直播帶貨藝人吸6千觀眾收睇

+17

李國麟續道:「突然睇到自己變成『最慘帶貨明星』,我就問搞乜鬼?我係咪得罪咗人?」後來直播帶貨事件在內地反彈,一些貨主以為這是他的宣傳套路,反而有很多貨主要求合作。他的經理人公司辦公室本來已囤積了一些貨物,像一個小型超市,現在貨物多到變成了一個大型超市。他指事件令他經一事長一智,日後會小心選貨,更自言不會做8小時,因為體力根本不能應付。對於會否怕這次事件影響形象,李國麟坦言:「我冇乜所謂。我入行46年,問題係點解會有咁樣嘅報道?我唔知點樣形容呢次事件,我冇嬲,只係好多同事關心我叫我小心啲,唔好咁辛苦!我屋企人都覺得好笑,因為我每次都同佢哋分享我嘅帶貨成績。」

李國麟直認鍾意做戲多過直播帶貨。

李國麟表示現在最想返香港屋企,因為已經在內地逗留了 10 個月。他現時與無綫電視的合約是每年拍一套劇,他想在自己仍然「行得走得」的時侯盡量去更大的市場發展,賺更多收入,令家人將來過得更舒服。「我好掛住屋企人,而家個女啱啱飛咗去英國讀 Drama。仲記得2017年7月我哋同一大班人慶祝佢15歲生日,嗰張嘴對嘴嘅相俾啲網民話我咁樣錫唔啱。其實當時只係開心分享,佢哋心態咁負能量,接受唔到唔緊要,我已經樂在其中,佢(女兒)係世界上最寶貴嘅嘢!」李國麟認為自己沒有做錯,即使他日自己年屆90歲仍會繼續錫50歲的女兒。至於女兒日後會否成為星二代,他指一切由女兒決定,自己只希望她能開拓眼界,以及學識做人。他笑言自己非常寵愛女兒:「阿爸教落,唔知個女第二日嫁得好唔好,老豆錫咗佢先,如果萬一嫁得唔好,起碼都歎過下父愛!」

點擊下圖觀看李國麟與囡囡嘴對嘴的照片:

你可能感興趣