張秀文住過劏房 現以萬多元租住九龍城:我已放棄喺香港買樓

撰文:
最後更新日期:

坤哥與張秀文都覺得買樓應該是雙方共同分擔。(梁碧玲攝)

今日TVB節目《有樓萬事足》記者會的焦點,相信都在愛樓愛到出晒面的港女Seasun身上,「冇樓唔好白撞」、「有樓有高潮」,聽到都覺聞風喪膽。不過另一邊廂,有份出席的28歲張秀文,就不認同對方的觀點。本身公屋出身的她,出道之後曾經住過九龍城劏房,現時以萬多元價位在九龍城租住兩房單位。雖然如此,張秀文現時仍要慳得一蚊得一蚊。她在節目中講過:「預計自己未來六個月都會冇嘢做」,後來再解釋:「做藝人從來都是被動的,當時會發現未來三、四個月冇工作做,就會意識到有一舊錢係身係重要嘅,着手去儲錢。so far現時我租樓好好彩,暫時工作都順利。」

張秀文曾經住過劏房,現在以萬多元住兩房單位,都算係咁。(梁碧玲攝)

提到港女Seasun的言論,張秀文就與吳業坤有所討論,兩人認為個人不會硬性規定另一半負全責買樓,如果有商量應該會共同分擔。張秀文說:「我都唔會叫個男仔幫手嘅,因為層樓係我㗎嘛,咁咪收佢租囉。」每個月畀萬幾蚊租,張秀文在節目中坦言其實養緊班業主,自己距離一般住宅的首期,真是遙不可及,所以她說:「其實我有少少放棄,但就放棄喺香港買囉。」身旁的坤哥聽到就話:「都係搵返個有2千呎娶你啦。」張秀文笑言:「你去死啦!其實我去做旅行節目,會留意當地嘅樓市,同埋有買樓嘅policy。」目的是收租或退休,她認為巴西與日本都好適合買樓。現時都有不少港人在外地買樓置業,也是其中一個解決方法吧。

張秀文對於買樓都半放棄。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。