黃心穎馬國明傳拍拖 心穎bb未肯陪睇《格雷2》:應該難啲!

撰文:
最後更新日期:

黃心穎入行前視馬國明為偶像,二人曾經在《為食神探》合作,今次在《深宮計》又演情侶,更被拍得一起去睇戲,真是很有機會撻着。(網上截圖)

二人傳出緋聞後,在新劇《深宮計》亦是一對,日日開工都見到。(資料圖片)

睇戲係情侶拍拖指定動作,今日有報道指,28歲黃心穎和43歲馬國明一齊去戲院睇戲,還指黃心穎提前和馬明慶祝情人節兼生日,之後還去了日本高級餐廳吃晚飯,相當浪漫,真係明眼人一睇都覺得二人好有發展機會啦。

雖然是否真的拍拖,都預計到黃心穎一定不會正面回答,因為她覺得拍拖是私人事,但她接受《HK01》WhatsApp訪問時,字裏行間都感到與馬明漸入佳境,她說:「其實𠵱家都係朋友,會睇戲食飯嘅朋友,(睇咩戲呀?)我哋睇咗《Split》(《思.裂》),(會不會有日more than friends?)可以繼續了解下,多謝大家關心啦,不過感情事始終兩個人嘅事,唔會因為人哋點睇而做決定。」

不過一齊睇得戲,應該不只是普通朋友,再問到心穎BB會不會同馬明一齊睇最近大熱的《格雷的五十道色戒2》時,黃心穎就表示:「哈哈嚟緊工作好忙,應該難啲……(喺咪幫馬明提前慶祝生日和情人節?)兩樣都唔係,純綷食飯啫!」黃心穎現在和馬國明合作拍《深宮計》,劇中二人飾演情侶,真是拍拖都不用去戲院,日日開工在古裝街都可以再繼續互相了解啦!

黃心穎28歲,馬國明43歲,相差15年,不過外表就相當合襯。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。