Omicron｜港府延長社交距離措施　馮盈盈：對我冇乜特別影響

馮盈盈今日（17/1）現身將軍澳電視城出席無綫真人騷《識貨2》節目錄影。提到臨近歲晚，港府因應疫情嚴重，將社交距離措施延長至2月3日，多項大型賀年活動都被迫取消。馮盈盈就表示：「其實喺疫情之下，公開嘅活動係少咗，咁但係就冇辦法嘅，始終身體健康最緊要。（呢段時間搵少咗幾多錢？）咁又冇，因為我又唔係好清楚喎，而我哋啲工作安排全部都係交晒俾我哋經理人去處理，而我好少做商演主持，所以對我嚟講就無乜特別影響。」