鐵拳英雄｜唐詩詠演老千錢芊芊獲網民讚表情豐富：拍時個人好混亂
撰文：吳子生
出版：更新：
唐詩詠今日（18/1）現身將軍澳電視城出席熱播劇集《鐵拳英雄》宣傳造勢活動。提到劇集播出至今，網民對她在劇入面所演錢芊芊角色大表讚賞，將老千性格演得表露無遺，為了貪財不惜周圍呃呃𠱁𠱁，經常睩大對眼，表情相當豐富。不過就有網民認為她現時的眼神相比三年前的眼神卻空洞得多，沒有以前那麼全神靈活。
唐詩詠今日現身將軍澳電視城出席熱播劇集《鐵拳英雄》宣傳造勢活動。（陳順禎攝）
詩詠笑言：「確實呢個角色同我以前所演嘅係好唔同，同埋拍嘅時候個人都好混亂，就只係跟住大家成個嘅氣氛去做，咁所以我就覺得大家都好好幫到我，而成個氣氛又好，咁所以好嘅嘢就會出咗嚟。（網民覺得你而家眼神冇咁精靈，係咪工作辛苦？）哈哈！咁所以我就要放吓假喇。因為我覺得能夠俾我抖吓，有足夠時間休息，真心覺得演出係會好啲嘅。」