爆谷一周︱Edan自爆鍾意食粉絲 竟然關《闔家辣》另一位演員事?

撰文:陳栢宇
出版:更新:

谷德昭主持的ViuTV節目《爆谷一周》昨晚(22/1)八點半正式首播,首集便請來吳君如、MIRROR成員Edan(呂爵安)和新晉導演鄭晉軒三位賀歲片《闔家辣》台前幕後擔任嘉賓。除了街訪時有影迷誤將《闔家辣》講成「冚家辣」之外,今集有還有不少內容非常爆笑,原來Edan電影中要「犧牲色相」,與異性對手有鴛鴦浴的場面,Edan更講到耳仔紅晒:「我有着褲嘅!坦白講,有啲尷尬同緊張,始終第一次。」他又透露戲中與對方「一齊好耐」,所以對手疑似是戲中女友袁澧林。

谷德昭主持的ViuTV節目《爆谷一周》首集請來吳君如、MIRROR成員Edan(呂爵安)和新晉導演鄭晉軒擔任嘉賓。(電視畫面)
有觀眾接受街訪時指自己賀歲檔會睇吳君如的《闔家辣》,但戲名講成「冚家辣」,非常爆笑。(電視畫面)

之後,谷德昭又指Edan的對白「粉絲好食」勁自然超爆笑,令Edan非常訝異:「冇諗過佢(導演)會剪落去!」他又透露上述對白不是他臨時爆肚,而是一眾演員「撞出來」:「粉絲係好食,我都好鍾意食粉絲!」

吳君如聞言後立即補充:「好笑嘅,因為我哋戲裏面有個演員係食齋,我哋成日大魚大肉,我成日『萬歲』,佢啲Fans又成日攞嘢食嚟,但嗰位演員就偏偏成日叫人買粉絲食,我每日見到佢都係食米粉同粉絲,我話『你又食粉絲』,佢話『粉絲好食呀』,跟住佢突然間講『死喇,講漏咗嘴,咁敏感,唔講喇』。」之後她攝高枕頭諗了一晚,覺得這句非常好笑,所以決定加入電影中。

咦?飾演Edan媽媽的梁詠琪是圈中知名素食者,難道他們所講的是她?

點擊下圖睇睇他們在節目上點講:

+14

闔家辣|吳君如送蛋糕預祝Edan25歲生日 姑媽上身:幾時請飲?

+14

《闔家辣》一家人再聚影海報 梁詠琪整蛋糕撮合呂爵安袁澧林

你可能感興趣