COLLAR Marf認同粉絲溝通不足導致有小風波:依家都好和諧

撰文:賴家杰
出版:更新:
現場唱Live,跳得好落力。(陳順禎攝)

新晉人氣女團COLLAR今天(24日)出席運動飲料品牌代言活動,出場時她們即場表演歌曲《Call My Name!》,令現場氣氛高漲,表演過後,表示將會推出第二首全新單曲,呼籲粉絲期待。

這是她們8人一起首次簽約做代言人,心情十分好,接受訪問時,談到代言酬勞,眾人表示不知道。出道不夠一個月,每天都有新工作在等待,她們透露每日也只有6小時左右休息時間,芯齡說:「唔會好攰,好多新嘢未接觸過,訪問同廣告都未接觸過,好想再有多啲機會做新嘢。」

Gao指Ivy So是最大食的團員。(陳順禎攝)

近日有網友起底Day是有混血兒血統,Day回應:「其實冇咩特別,因為都係事實嚟。」,眾人也是素人出道,有不少未出道前的事會被起底,Day續說:「唔擔心,呢啲始終都係過去。」,Winka幫手說:「我覺得過去發生事唔代表現在,重點係現在我哋要成為點嘅人。」

Day不介意被網友起底。(陳順禎攝)

另外最近Marf與粉絲團鬧出一些小風波,Marf說:「應該係我自己遲遲未決定一啲官方正式決定,或者我冇乜點同佢哋溝通,自己依家初步表接觸,都同Admin溝通咗,Keep住喺Admin Group傾。同埋佢哋都好sweet,發生咗小插曲,佢哋都叫我唔好理,專注練習,所以依家都好和諧。」

+10
你可能感興趣