余香凝孖同門姊妹拍賀年節目食唔停 梁式昕自爆下廚「惹火」經歷

撰文:陳栢宇
出版:更新:

臨近過年,余香凝(Jennifer)與同公司的徐頴堃(Erica)、陳穎欣(Yanny)、吳嘉禧(Cheronna)、余潔滢(Zoe)及梁式昕(Catrina)早前拍攝香港開電視的賀年飲食節目,分開與幾位城中知名廚師Ricky、Jacky、小儀及Anson炮製多款不同的賀年菜式。

余香凝與徐頴堃等同門姊妹早前與多位城中名廚拍節目。

由於今次與多位廚神合作,眾人均表示特別留肚前來拍攝,Zoe更笑言今次是來食多過幫手,她笑說︰「Lunch時同Catrina一齊Share一個飯,留肚等食好嘢,有鮑魚又有龍蝦。今次拍攝都有偷師,希望學完煮到,希望新年可以煮到餐好畀屋企人食。」Erica則說︰「新年我都會試下煮佢哋嘅菜式畀屋企人,記得中學時期學煮飯,第一次整蜜糖雞翼,哥哥同阿姨做白老鼠,阿姨食到個嘴冇停過笑,係一個好好嘅鼓勵。」

首次拍攝飲食節目的Catrina則表示以往在外國讀書時,試過與同學上網自學整賀年糕點,不過味道就認真一般,她更自爆︰「外國讀書時剛搬屋,有一晚煮嘢食時,忘記擺咗隻木叉喺爐頭上燒着咗,整響火警鐘,成棟樓嘅新鄰居為咗我要走火警。」

梁式昕(左)自爆下廚「惹火」經歷。

已為人母的Jennifer同樣下廚時非常「惹火」,自言有「強迫症」的她因一紙巾嚇到心慌慌,她笑說︰「我有少少強迫症,如果污糟咗就要即刻抹,試過開住個爐,爐頭附近有少少污糟咗,我拎紙巾去抹,點知燒着咗張紙巾,當時真係好驚。自此之後,都會提醒自己要煮好先去抹。」不過她對自已廚藝有信心,她說︰「算係鍾意下廚,之前煮中式,試過一次煮九個餸,因為屋企都比較多人。老公鍾意我煲湯同煮雞翼,佢讚我整雞翼好好食,囡囡大個啲可以食更多唔同食物時,我都會成日煮嘢畀佢食。」

好專心聽名廚教路。

而Yanny不但向現場4位廚師偷師,還大讚其中一位女廚師小儀,她說︰「我覺得佢好叻,做中廚又身型嬌少,仲識拋鑊,有自己私房菜,好佩服佢。 」Cheronna則大讚幾位廚師相當搞笑︰「佢哋見Yanny鍾意食嘢,就叫佢搵識下廚的另一半。」對此Yanny表示︰「其實呢個係我以前的目標,不過依家有另一半就冇諗,但如果我係單身嘅話,我好想對方煮嘢畀我食,唔係得我煮畀佢食。」