思家大戰︱《東張西望》主持隊陶大宇上身　與李思捷跳水撥舞

由李思捷主持及監製的遊戲節目《思家大戰》，是集嘉賓有區永權率領陳庭欣、容羨媛、吳幸美及何沛珈幾位《東張西望》主持組成的「60886600」隊，以及家庭觀眾代表「老表你好正」隊。李思捷與《東張西望》主持大唱賀年歌，期間大跳近期熱爆的陶大宇水撥式舞姿，相當有氣氛。

今集最精彩的問題是「講一樣女人着得愈耐就愈唔舒服嘅嘢」，當中容羨媛玩得相當豪放，直接戙高腳擺上枱回答問題，思捷都被她嚇窒謂：「估唔到容容係咁樣！」思捷今集更「自作孽」，事緣思捷覺得何沛珈的回答「難以置信」，故許下豪言謂：「我真係唔信（答案）喺上面，喺上面嘅話，我請你食飯！」可惜最終何沛珈竟真的回答正確，思捷即扮嬲飛紙仔，之後更一度口齒不清，相當搞笑。

做得《東張》主持自然有番咁上下口才同急才，故以「轉數快」出名的李思捷今集主持地位可謂「危危乎」，繼被何沛珈「技術式擊倒」，區永權亦上演「逆襲記」搶「飯碗」；而在《東張》經常做「白老鼠」的吳幸美，在節目表現出色連番答中問題。