37歲陳宇琛娶索妻 石修型佬look搶囝囝風頭

撰文:
最後更新日期:

37歲陳宇琛終於娶咗Camille,有呢個老婆真係幸福。

37歲陳宇琛(Sam)昨日迎娶有線前主播林佑蔚(Camille),兩人都比較低調,於教會行禮成婚。人生一大喜事喎,當然全家都會隆重其事喇,Sam的爸爸石修眼見囝囝身穿黑色西裝兼打煲呔也不輸蝕,揀了條靚呔,gel行個頭,一貫型佬風格出席兒子婚禮。

陳宇琛與林佑蔚終於共偕連理,在婚禮上講愛的宣言是必須的。老婆第一句就講出「我愛你」,還說有陳宇琛做老公真的好幸運,講下講下仲忍不住落淚,陳宇琛立即為太太抹眼淚,場面都幾感人。其後陳宇琛都真情剖白,但兩人感情實在太深厚,阿Sam期間都有種盡在不言中的感覺,有好多說話都在口邊,不停以「好開心」去緩和氣氛,令全場不禁大笑。不過,其後陳宇琛都開返真心mode,講到過往都比較迷失,直到遇上老婆,讓他學到如何去珍惜身邊人,最欣賞對方無私的一面。後來陳宇琛講到兩人之間的承諾,不論有幾辛苦,就算要付出幾多都會用全力去照顧老婆,最後他最情深說出:「Welcome to the family,we all love you so much!」全場即刻拍爛手掌,恭喜晒呢對新人。

據知陳宇琛透露希望可於年底在英格蘭舉行婚宴,皆因有不少親友在外地。問到爸爸石修如何祝福自己,石仔就話爸爸只希望他倆可以開開心心。

兩人來個情深一吻,好sweet。

石修見到石仔終於大個仔結婚了,都set行晒個頭出席婚禮。

石修真係仲keep得幾好。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。