青春不要臉｜余德丞扮劉德華被網民彈未夠班：扮得唔似正常
撰文：吳子生
出版：更新：
余德丞（Dickson）今日（3/2）現身將軍澳電視城出席無綫劇集《青春不要臉》宣傳活動。提到在劇中所演部份橋段，是影射80年代劉德華接拍電影《停不了的愛》，被網民批演劉德華仍還未夠班：「黑眼圈大，眼袋大，外型不討好」。不過亦有網民力撐：「我覺得余德丞靚仔過劉德華，各花入各眼。」
對於被網民彈扮劉德華未夠班，Dickson笑言：「扮得一場戲，扮得唔似係好正常，因為我都冇扮過。」（葉志明攝）
Dickson就上述事件接受《香港01》訪問時說：「話我黑眼圈勁其實基本上我已經係無可奈何去應對呢件事。就算我覺得都唔係好勁，佢哋都覺得勁，我都冇辦法，唯有做好自己。而且我成套戲只得一場係辦劉德華，就係喺《K100》裡面訪問嗰段。當時監製就同我講呢場戲我可以扮劉德華，咁所以喺其他戲份度我係冇扮過，所以扮得唔似都係好正常，因為我都冇扮過。」
Dickson今日出席劇集《青春不要臉》宣傳活動。（葉志明攝）