舒淇曬背影照自爆懷孕真相：虎背熊腰不用恭喜我！
撰文：溫菁莉
出版：更新：
去年與馮德倫閃電結婚的舒淇，因為婚後經常穿上鬆身衣及平底鞋，所以就不時都會傳出其懷孕的消息，但往往遭到當事人例牌否認。而昨日舒淇在IG上終於自爆「懷孕真相」，原來舒淇只係自嘲其顯得較豐腴嘅背影照，並寫道：「虎背熊腰跟懷孕差很多，不用恭喜我！」不少網友見到後，都留言話「鏡頭角度問題」、「身材仍然好苗條」等安慰說話。
舒淇昨晚在IG上傳自己的背影照，話自己是因為虎背熊腰才被外界誤會是懷孕。
馮德倫之前曾經講笑話其實懷孕嘅係佢。
舒淇IG之前會上傳與好友林熙蕾兩位寶貝女嘅合照。
其實自嘲已經唔係第一次，老公馮德倫早前亦係微博話其實懷孕嘅係自己，事緣佢見到記者影嘅相影到自己個肚好大，仲好搞笑咁用紅圈圈出自己嘅肚腩，幫老婆解圍。而馮德倫對於做父母已經ready好，但現時就抱順其自然態度，仲話有好消息一定會向大家公佈。睇返舒淇嘅IG，都會見到佢同小朋友嘅合照及片段，見到佢母愛大發，希望可以聽到佢地嘅好消息啦！