黃心穎馬國明拍拖 家姐黃心美開綠燈：阿妹開心就得
撰文：黃梓恒
出版：更新：
心美今日開腔講妹妹心穎同馬明的事件。
黃心穎跟馬國明的曖昧事件近來傳得熱烘烘，兩位當事人都先後在不同的場合開腔割白，而且看來好事成真的成數也相當高。今日在柴灣替ViuTV新節目《Girls' Talk》試造型的黃心美，身為心穎的姐姐自不然避不開這個話題。
心美聞到自己妹妹在訪問中直認對馬明有感覺，她仿佛早料到有人問這方面的問題，十分淡定答回記者：「佢係咪真係有咁講先？因為我無向佢（心穎）求證過。」當得知妹妹真的有此番言論，心美立即來一招似有還無：「其實都十分正路，對住唔同人都會有唔同嘅感覺，佢依家話鍾意咩？」不過心美都再補充表示近來自己跟妹妹都很忙，沒時間去求證。又說男未婚女未嫁，出街看電影吃飯是正常不過的事情，妹妹將來都要結婚生仔，一定要慢慢了解，無了解怎能去拍拖。更說希望大家給他們多點空間，不要再在屋企樓下等候了。
心美呼籲大家給心穎和馬明多點空間。
其實之前有報導指心美嫌馬明老，心美今日就為當天的報導澄清：「嗰日我去放狗，記者追到我屋企樓下，突然問我馬明做你妹夫點諗，我話我呀妹細個意思係佢得28歲就講結婚太早喇，唔係串馬明，我連馬明實際年齡幾多都唔知。」心美更說年齡不是問題，只要能溝通就可以，亦不會管妹妹選什麼男友。她認為年代已經不同了，連爸爸媽媽都不會管她們的感情事，作為姐姐更加不會。
馬明同心穎爭15年，不過心美就話年齡唔係問題。
被問到是否開綠燈，心美說：「點會唔開綠燈呀，咩年代呀，點解家姐要管個妹咁多，拍拖係佢兩個人嘅事，我一心只係想我妹開心，只要個男仔錫佢、對佢好就OK。」最後她還說，即使心美真的拍拖，也不會從自己口說出來，因為覺得由第三者說出口很無品，所以她承認就由她了。
其實心美今日係幫ViuTV新節目試造型，不過重點放了在妹妹身上。