逆天奇案2｜馮盈盈犯3宗罪激嬲無綫被踢出劇組 陳展鵬：我有聽到
撰文：吳子生
出版：更新：
《逆天奇案》劇中馮盈盈同陳展鵬有大膽親熱場面，一度引起熱話。
陳展鵬今日（14/2）現身電視城出席無綫劇集《鐵拳英雄》宣傳活動。提到《逆天奇案2》將會原班人馬演出，但卻只有馮盈盈被踢出劇組，有指她犯下三宗罪觸怒無綫，而被掟入雪櫃。展鵬表示：「呢個消息我有聽到，呢幾日都好多人打俾我問。但我就問心，我自己都唔知自己有冇份，講就係咁講。因為每一次都真係要公司通知，尤其而家疫情咁嚴重，又係咪真係原定計劃開拍呢，我又真係唔知。不過呢啲傳言大家當笑吓就算，又或者你問馮盈盈會好啲，咁我覺得佢上年都好忙，可能佢都要休息啩，講真我真係唔知道。」
陳展鵬、唐詩詠今日出席《鐵拳英雄》宣傳活動。