「馬拉Karen」龔柯允返家鄉宣傳賀歲片：黃明志笑我愈嚟愈脹！
撰文：陳栢宇
出版：更新：
本地第五波疫情愈爆愈勁，不少行業因此被迫停業，擁有一間「咖啡店X髮型屋」的「馬拉Karen」龔柯允亦不能倖免，店舖須暫停營業。好在，Karen都仲有其他工作，早前更返家鄉馬來西亞宣傳有份演出的賀歲片《辣死你媽傳人》（前名《辣死你媽1.0》），令兩年沒有見過父母的她感到興奮：「我可以返去工作又可以見到屋企人，順便過埋農曆新年。（當地疫情如何？）都好嚴重，日日過萬，我哋要走全馬做宣傳，去好多城市，例如吉隆坡、柔佛、馬六甲、檳城、怡保等，所以日日返屋企前要做檢測，收到訊息話安全，先敢返屋企，費事感染屋企人。」做足安全措拖的她又指自己會考慮在當地接種第三劑疫苗。問事隔兩年再返家鄉，粉絲是否格外熱情，她坦言：「佢哋準備咗撈生（撈起）及當地美食歡迎我返家鄉過年及做宣傳，非常熱情，因為馬來西亞嘢食實在太美味。搞到黃明志都笑我愈嚟愈脹。」
點擊下圖觀看相關圖片：
+3
專訪︱「馬拉Karen」龔柯允曾為自由捱出病：小小事都觸發到情緒
+15