魯庭暉寫千字文讚袁澧林紅硬兼勉勵陳卓賢 Ian︰唔好整喊我

撰文:李婉文
出版:更新:

MIRROR成員陳卓賢(Ian)出新歌《留一天與你喘息》,粉絲亦對他有新作期待已久,MV在YouTube平台上架兩日,已得到過百萬的觀看次數,且普遍也是得到正評,粉絲們再次聽到「Ian式情歌」的感覺。MV亦特別邀請到文青女神袁澧林(Angela Yuen)擔任女主角,兩人齊齊扮演精神病患者。而ViuTV總經理魯庭暉亦有在IG出po講對Angela Yuen和Ian的感受。

魯生寫了千字文講《留一天與你喘息》MV的男、女主角,即是Ian和Angela Yuen。(IG截圖@lofaig)

魯生在IG貼上一張Ian 新歌MV的圖片,跟網民分享了兩個故事,第一個故事,是關於Angela Yuen,他表示第一次認識對方,是因為拍一個廣告,他前上司做導演的廣告,他說︰「(廣告)好唔好呢啲我唔講啦,但係我睇完佢條片之後,就記得片中嘅女主角,我心諗,呢款樣,實紅喇。」他又續說︰「跟住過咗一排,我哋就嚟開台,而當時負責拍第一條宣傳片嘅同事,同我講話佢哋想拍一個45分鐘短劇,當中有兩個男主角一個女主角。我完全冇參與,佢哋拍完俾個file我,我一睇….咦點解個女主角咁熟口熟面嘅,哦,原來就係我當日睇到嗰個廣告嘅女主角。好自然咁佢做咗我哋開台第一個節目嘅女主角。雖然嗰個唔係咩高成本節目。但係成件事自然到爆,有啲嘢,就係咁自然。」的確,Angela Yuen的文青形象大受年輕人歡迎。

魯生一向都好撐MIRROR 12位成員。(資料圖片)

而至於魯生要講的第二個故事,相信就是講到Ian,其實魯生的確是見證着他的成長,由寂寂無名玩《全民造星》,到現在成為萬人的偶像,魯生對他的認識相信是深入的,他寫道︰「呢個人同我嘅起點,從我嘅角度睇,係三個字:『後樓梯』故事講完。係呀講完啦。因為佢唔鍾意將啲嘢周圍講,所以講佢嘅故事,係講幾個字咁上下㗎咋。即係咁嘅,有啲人一直其實好努力,但唔代表佢要長篇大論話你聽。每個人嘅經歷都唔同,開心同唔開心,其他人未必理解。我哋身邊嘅人要做嘅,就係相信佢,陪住佢。因為,佢一定會一步一步咁,愈嚟愈好。最後,我只係想講,有啲故事好自然就會寫到出嚟,有啲故事呢,要好努力好努力,經歷好多好多,先至會發生。冇嘢要比較,冇話邊個好,但所有故事都有共同嘅一點就係,繼續寫落去。」

Ian新歌MV好浪漫。(IG@iancychan)
Ian和Angela Yuen都有留言回覆魯生。(IG截圖@lofaig)

關於第二個故事,寫得好感動,亦好勉勵,引來了Ian親身回應說︰「Please dont make me cry.」而一班「Hellosss」亦表示勁感動,紛紛留言道︰「多謝魯生,多謝你看到Ian的努力!」、「魯生你搞到我地喊哂」、「多謝魯生睇到低調默默做事嘅Ian」等等。

+1

同場加映︰麥明詩貼超性感照賀情人節 吳業坤串爆︰你化妝真係好叻

+22