歌手安俊豪無戴口罩教健身 隔日獲學生通知為緊密接觸者被嚇破膽
撰文：吳子生
出版：更新：
歌手安俊豪（Simon）今日（25/2）現身灣仔出席社福機構「全民齊心抗疫月」新聞發佈會。提到本港疫情失控，今增過萬宗個案。身兼健身教練的Simon就透露早前為學員進行戶外健身訓練後，隨後得知對方被列為緊密接觸者時大吃一驚：「其實喺24日前我哋進行戶外運動嘅時候係唔需要戴口罩，咁變咗嗰日佢係冇戴到口罩訓練，大家仲有傾有講成個鐘。但到咗幾日之後，我就收到對方通知，話佢自己被列為緊密接觸者。嗰刻我係驚屋企人受到感染，所以我就即刻連繼3日去做快速檢測，結果係陰性，令我可以放下心頭大石。」
Simon擔心中招，所以連續3日做病毒快速測試，結果呈陰性。（葉志明攝）
Simon和Kendy出席新聞發佈會。（葉志明攝）