東張西望｜良心商戶推出居家隔離套餐　21餐食材都係700元

本港疫情持續嚴峻，唔少確診人士因救助無門，只能呆在家中，每日三餐都成問題。今晚播出嘅《東張西望》，觀眾林先生因家中女傭確診，連帶老婆、兩個女以及父母都確診，林先生嘅爸爸因心臟病可以即時送院，但媽媽就只繼續留在家中。

被列為密切接觸者嘅林先生，每日留在家中照顧媽媽，喺無物資、無支援嘅情況下猶如困獸鬥。有美食速遞專門店特意推出「居家隔離七日專送套餐」，為隔離人士上門送遞新鮮食材，21餐加埋都係7百元左右，平均都係30元一餐，有牛、有羊架、又有魚，十分優惠。負責人接受訪問時表示以疫情期間，餐飲業滯後，所以決定用成本價推出呢個套餐，希望可以同大家一齊共渡難關。