新冠肺炎|張惠雅檢測呈陰性 重提隔離日子︰嗰種精神緊張最折磨

撰文:李婉文
出版:更新:

第五波疫情來勢洶洶,演藝圈連日來已經有多名藝人相繼宣布確診新冠肺炎,前HotCha成員張惠雅(Regen)於2月22日在IG Post出快速測試結果指自己已確診,經過多日的休息,Regen的測試結果已轉為陰性,她於周四(3日)在IG及長文講到自己這段日子的經歷,她直言︰「隔離嗰種壓力同精神緊張先最折磨。」

Regen早前宣布確診新冠肺炎。(IG@regenc)

Regen在IG story發長文,她指自己今日已經是第3日negative,「成個人放鬆咗好多」,因為之前要跟家人用共用廁所,所以令她精神超級緊張,「夜晚瞓覺聽到屋企人有一兩聲咳會好緊張好驚,喺屋企頭兩日用廁所每次消毒都唔敢鬆懈」,更因為怕要去廁所而減少飲水,但明明病就應該多飲水,沖涼時試過因為沒有吃夠東西又焗,差點暈低。她寫道︰「個病真係唔係最辛苦,隔離嗰種壓力同精神緊張先最折磨,終於過啦。」

Regen的快速測試結果呈陰性。(IG@regenc)

而Regen亦叫大家出門真的要做好防疫,她寫道︰「大家記得出門做好防疫,呢個(病)雖然好多人都係好似感冒咁,但係感冒都唔想有機會中,都係病嚟,我之前防疫做得唔夠好,雖然有噴消毒,隨身都帶住,但係後期疫情唔嚴重未去第五波,我已經少咗好多噴消毒,但係洗手一定唔夠20秒。」她又為正在隔離的人打氣。

+15
你可能感興趣