胡定欣冇拍拖6年抗拒被指揀擇 大時大節冇人陪已經沒感覺

撰文:李婉文
出版:更新:

由崔建邦及麥美恩主持的全新一輯節目《諸朋好友》播出第2集,繼續由兩位視后胡定欣及林夏薇擔任嘉賓。沒有拍拖6年的定欣,再次講到自己的感情世界,直言現在因為自己的身份和職業而影響到感情方面的發展。

當年連定欣都不知道薇薇結婚。(電視截圖)

定欣講到自己的入行經過,原本是想做歌手,從來也沒有想過做演員,參加完「TVB第三屆Cover Girl選舉」後,入讀TVB藝員訓練班,當初她也只當是踏腳石,但慢慢被熱愛演藝的同學感染到,實習期間,她已有機會拍《衝上雲霄》,她自言︰「第一套劇已經係有名有姓,已經係黐住主角,好好囉!」直到拍《拳王》,定欣覺得自己漸漸開始對演的角色有感覺和完全投入。

定欣在2003年的劇集《衝上雲霄》入面飾演凌卓芝(Coco),已迅速得到觀眾的留意。(電視截圖)

薇薇於2015年低調與年長16年的金融才俊莫贊生(Jason)結婚,並於太平山頂豪宅設宴,圈中的好友也不知其結婚消息,原來連定欣也不知道。當年二人在內地拍《公公出宮》,突然有一日薇薇表示要即日來回,要「簽嘢」,定欣聽到後還笑說︰「有咩咁緊要?結婚呀?」薇薇直認不諱,但定欣完全不相信,還說一句「黐線」作回應,定欣解釋是因為薇薇沒有說過她有男朋友,直到結婚當日,定欣看電話才知道薇薇結婚,於是就問她,薇薇最後邀請她出席第二日的婚宴。

薇薇和定欣好friend。(IG@nwuuu)

講到感情事,現年40歲的定欣已經有6年沒有拍拖,她表示以前比起現在容易喜歡人,她說︰「其實都唔係話特別容易鍾意,但係經歷……如果你要相比起,我而家係比以前懶咗,點解大家都會成日覺得我好揀擇,好挑剔,其實我唔係幾認同同(唔)鍾意呢個講法,我唔鍾意人哋話要求高,就係因為你經過咁長時間去建立自己,你梗係希望搵到個真真正正,真心對待嘅另一半,無論心靈或者係生活上,都係一個好配合嘅一個人,咁點解唔去揀個最好嘅先至一齊呢?」

定欣表示因為身份問題而影響到感情方面的發展。(電視截圖)

薇薇又大爆定欣有好多追求者。講到為什麼不拍拖,定欣就表示其實有遇到心儀對象的,但因為有些環境因素而發展不到,崔建邦直問是什麼因素,她說︰「我諗最緊要嘅一個可能身份問題,呢個都真係幾令人會concern(在意)嘅一樣嘢。真㗎!我以前唔會咁樣諗。」例如以前有些好姊妹會覺得她好難識到男朋友,因為職業的關係,當刻定欣並不認同,她認為她是一個獨立的女生,又有自己喜歡的工作,又照顧到自己,「我真係以前唔會覺得我搵唔到!但係當時間一路一路過,咁你又好focus自己做嘅嘢,一路過,再識人嘅時候,到近呢幾年,我真係經歷過嘅一啲情況係,原來我嘅職業或者崗位上嘅因素……(崔建邦︰例如?)有啲人會因為你係胡定欣而好想識你,但係我識嘅,我會選擇,我去喜愛,就係唔想佢係因為我係胡定欣而同我一齊。」她無奈的說︰「嗰個矛盾位,你係真係只有自己先知道。」

定欣在IG貼出拍攝節目的花絮照。(IG@nwuuu)
+3

講到現階段的擇偶條件,定欣希望有個人可以帶領到她。被問到她大時大節會可否感到寂寞,定欣說︰「呢樣嘢係磨到滑晒(消磨到冇感覺)。」她續說︰「節日係咩節日,同你有冇咩人喺隔離,已經唔關係。(崔建邦︰渴望?)冇唔渴望,冇唔渴望但係唔會求其。」相信條件甚好的定欣很快會找到真命天子的。

+33
你可能感興趣