羅鈞滿北上變失蹤人口 原來開鋪賣茶飲做老闆
撰文：鄺鈺瑩
出版：更新：
羅鈞滿喺廣州開店賣水果茶。(微博圖片）
羅鈞滿自2016年離巢後，隨即到內地發展，不過好快就已經變成「失蹤人口」，直到去年喺大灣區中秋電影音樂晚會《灣區升明月》上，與譚詠麟以及趙浚承演唱歌曲《朋友》，令唔少觀眾都感到十分意外。
新店日前正式開幕。(微博圖片）
幕前工作雖然未見起色，不過原來羅鈞滿亦有另一手準備，新鋪「茶運亨通」日前喺廣州開業，他更在微博發文表示「每一款都是由推薦官本人悉心調製，只為調出大家最愛的味道！感謝到場支持的每一位粉絲和朋友」，羅鈞滿又指為咗調製出大家喜歡嘅茶，每日試30幾多杯茶。由微博嘅照片所見，有唔少客人都搵羅鈞滿合照、簽名，生意似乎唔錯。
羅鈞滿曾是TVB的力捧小生，但他卻一次又一次自毀前程。（資料圖片）
38歲嘅羅鈞滿，09年喺藝員訓練班畢業後，星運都算唔錯，可惜佢偷食、醉酒鬧市、醉駕樣樣做齊，至2016年與TVB解約後轉戰內地，不過成績亦唔算理想。