Never-never Land|COLLAR拍MV曬腰變餵蚊 有人誤踩蟻竇中晒伏?

撰文:陳栢宇
出版:更新:

年初成軍的人氣女團COLLAR,繼首支團歌《Call My Name!》成功推出後,上周推出第二支團隊單曲《Never-never Land》,歌曲以白日夢世界為主題,曲風輕快、帶小清新感覺,而新曲MV於昨晚(23日)首播,8位成員Marf邱彥筒、Gao沈貞巧、Day許軼、Soching蘇芷晴、Candy王家晴、Winka陳泳伽、Ivy蘇雅琳及Sumling李芯駖,一洗在《Call My Name!》的酷爆形象,在MV以背心、短裙、露腰裝上陣,散發陣陣的青春氣味之餘,亦撇下「女神」光環,做出趣怪、奇特的表情,展現真我個性一面。

Never-never Land|COLLAR新歌MV首播遲到 小編稱受網絡塞車影響

+53

COLLAR透露今次推出第二首團歌,主要因為疫情下,大家都疲於抗疫,辛苦了,希望透過新歌作療癒之用,呼籲大家不妨發發白日夢,喚醒輕鬆愉快的心情,亦因此《Never-never Land》注入了不少成員個人元素,除了趣怪表情外,成員各人亦出動私伙,作MV中的小道具,當中Day表示:「今次新歌MV加入好多自己元素,自己嘅小公仔、太陽眼鏡都可以喺MV度出現,真係幾得意。」Soching就笑言今次MV難得可以做自己:「唔使擺甫士,可以做自己,好難得可以咁做,平時出嚟要型、要靚,今次係最真實,甚至乎有樣衰一面畀大家睇。」Winka亦認為新歌MV貼近日常她們真實一面。

COLLAR在《Never-never Land》注入了不少成員個人元素,除了趣怪表情外,成員各人亦出動私伙,作MV中的小道具。

提到今次MV衣着上比較清爽,部分成員更要露小蠻腰,問到拍攝前可有收到經理人Wing戴穎的「禁食令」?COLLAR眾女笑言長期都收到Wing的「禁食令」,但相信各成員知道要以清爽造型上陣拍MV,必定會自制,Sumling直言為今次拍攝而做Gym,而向來貪食的Ivy表示會跟大家分享低卡零食,至於Candy自言很少以清爽造型示人,今趟衣着對她來說是一大新嘗試:「如果唔係拍MV,未必有咁機會着出街,一直都想試穿吊帶裙,今次終於試到,好開心。」

Candy(左)首次以吊帶裙上陣。

MV其中一個鏡頭要到草地拍攝,COLLAR不僅成為蚊子的大餐,穿着涼鞋的Soching更不慎誤踩蟻竇,搞到隻腳一點點又痕又腫,她說:「平時見昆蟲都會崩潰,不過拍嘢盡量唔想呈現呢一面,但嗰刻真係搞唔掂,想喊出嚟。」

Soching(左)到草地拍攝時誤踩蟻竇。

此外,提到《Call My Name!》成績驕人,今次再推出新歌《Never-never Land》可會感到壓力?COLLAR認為不會有壓力,其中Marf表示:「得到支持當然開心,但上次出歌都冇話要達到一個咩成績,比起成績,今次出歌希望平靜大家嘅心情,令大家聽呢首歌會覺得舒服、諗番啲開心事情出嚟。」而問到下次再拍MV,會否希望邀請嘉賓上陣?眾人異口同聲指希望跟經理人Wing合作,Gao笑言希望跟Wing同框。

+3
你可能感興趣