愛回家|73歲羅樂林復工 病徵輕微唔辛苦:過咗三四日已經變陰性

撰文:董欣琪
出版:更新:

現年73歲的羅樂林在上月24日初步確診新冠肺炎,成為TVB首批染疫藝員其中一人,即時停工的他一直在家休息養病,直至本月初他被影到現身九龍城購物,其後他在接受訪問時表示自己居家隔離10日後已經病癒,隨時準備好開工。日前羅樂林回到電視城,正式復工拍攝《愛.回家之開心速遞》,他在接受TVB娛樂新聞台訪問時透露自己病徵輕微:「喺個過程入面我又唔係覺得咁辛苦,可能因為我有做運動嘅關係啦,流少少鼻水同幾聲咳,我又覺得我自己又冇乜嘢,唔辛苦,但既然咁樣係中咗嘅,咁咪要面對囉。過咗三、四日之後我自己再Check已經冇嘢,已經變陰性,咁我都守規矩嘅,嗰十日我都冇出過街。」

羅樂林在本月初被影到現身九龍城購物。(視覺中國)
羅樂林正式復工拍攝《愛.回家之開心速遞》。(YouTube影片截圖)

羅樂林表示有收到劇組一眾「仔女」的慰問,當中飾演他細仔「風少」龍璟風的陳浚霆更送了一大車物資給他:「嘩,8、9袋嘢,十幾個人都食唔晒嘅嘢嚟,乜嘢都有,檢測器呀都攞嚟,同埋啲煲湯料、蔬菜、肉呀,都真係好孝順我呢個爸爸。」相當有心!

好有愛!(視覺中國)
+20
你可能感興趣