馮盈盈獲曾志偉幫口澄清雪藏傳聞 孖緋聞舊愛鄭衍峰同場成焦點
撰文：張嘉敏
出版：更新：
曾一度備受無綫力捧的馮盈盈 (Crystal) 於上月突然有傳她犯下3宗死罪，已被公司掟入了雪櫃，甚至連她有份主演的《逆天奇案》落實開拍續集，她亦慘被Out。不過Crystal早前就聯同曾志偉、以及前緋聞男友鄭衍峰為無綫新綜藝節目《講你都唔信》第2輪比賽擔任主持，該集的嘉賓有薛家燕、陸浩明、阮兆祥、曹永廉以及商天娥等。Crystal今次再現熒光幕，看來已經獲得公司解封。
Crystal有份主持新綜藝節目。(節目截圖)
由於被盛傳遭公司雪藏，又證實患上新冠肺炎，兼且與緋聞舊愛鄭衍峰同場，Crystal即成為了焦點人物。「獎門人」曾志偉接受《東張西望》 訪問時，對於Crystal被雪藏一事就代為澄清說：「邊個人入過雪櫃啫？呢度冇人入雪櫃，其實係佢去咗隔離拉番佢返嚟咋！」身旁的另一主持錢嘉樂亦表示：「傳吓傳吓就變咗第2件事，人哋隔離之嘛，又話人哋雪藏。」另外，問到志偉是否睇中Crystal與鄭衍峰凡9「關係」才邀他們同場，他即笑言：「我從來唔知呢啲嘢喎，原來你哋已經過咗氣！」嚇得Crystal與鄭衍峰異口同聲說：「緋聞緋聞。」之後錢嘉樂再追問兩人緋聞是否屬實，他們就笑言：「講你都唔信啦！」
志偉代Crystal澄清遭雪藏傳聞。(節目截圖)
+88