【有片】張曦雯機舖打《街霸》　 直落三鋪KO麥美恩

自從Pearl Tonight張曦雯直播自己打《BIOHAZARD 7》後，即刻被網民捧為女神，晚晚等睇女神打機，最近女神開始打新game《For Honor》，每晚依有成千人睇直播，再有萬多人去YouTube翻睇。

但原來女神不單止識打PS4，最近還挑戰「街機」，早前《Ben Sir研究院》到一間街機鋪取景，其間和麥美恩打《Street fighter V》，Kelly用El fuerte，麥美恩就用印度佬，麥美恩好明顯是不懂打機，只是在亂拍亂叫，但都勉強令印度佬噴到火，不過Kelly其實亦只係玩得「麻麻地」，但勝在有打機底子，結果直落三盤打敗麥美恩。Kelly更笑麥美恩：渣到死!

不過網民就覺得麥美恩打得非常有娛樂性，如果Kelly下次直播打機，可以找她一齊打，不過就應該要將speaker聲較細一點，因為麥美恩真的好大聲，片中麥美恩打得非常開心，但其實好多網民羡慕陸浩明，他全程坐在張曦雯旁邊,又可以教女神打機，又可以自拍，簡直最佳位置。