羅嘉良新劇角色叫卓君臨 姓卓真係特別旺? 

撰文:
最後更新日期:

羅嘉良闊別無綫8年,仍能與新演員打成一片。(郭敏玲攝)

下星期將會播出新劇《與諜同謀》,闊別TVB 8年的羅嘉良與一眾演員出席宣傳活動。司儀蔡康年突破盲點,指出羅嘉良過往多次拍劇都姓「卓」,而且每次姓卓都會帶摯劇集收視高企或奪視帝,不禁令撈家大吃一驚,然後他笑言:「可能我最叻啅人!」

事後撈家都話對方厲害,並說:「我唔排除之前有更多角色都姓卓。不過無論如何今次返嚟都好開心(大家都話你係收視保證)我都好榮幸,都希望大家睇完都會鐘意。(有冇信心一返嚟就攞視帝?)咁就要交返畀個天啦。」

羅嘉良幫李佳芯搽唇膏搽到出晒界。(郭敏玲攝)

咁耐冇見羅嘉良,佢依然咁有型。(郭敏玲攝)

今年是TVB 50周年,現已積極籌備多套重頭劇,羅嘉良坦言有劇組人士曾找過他參與:「拍《與諜同謀》時,已經有人搵我拍《再創世紀》,但時間上都唔係好夾。之後都有再搵我拍第二套劇,但都仲係諗緊。」近期有不少藝人回巢TVB拍劇,如張衛健,羅嘉良表示都想參與其中,惟時間真的是關鍵,對於TVB 50歲生日,他也表示隨緣。至於《再創世紀》缺少了他這個靈魂人物,他說:「冇話可唔可惜,我會感恩自己可以拍到《創世紀》呢套經典,喺大陸仲有人因為咁幫公司改名叫『力天』。」

一起回顧羅嘉良做過姓「卓」的角色

1991年《藍色風暴》卓家明。(網上圖片)

1998年《天地豪情》卓尚文。(網上圖片)

2009年《富貴門》卓一鳴。(網上圖片)

2017年《與諜同謀》卓君臨。(郭敏玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。