一蚊 Joe感激李思捷提攜 自爆最辛苦扮焦屍: 導演嫌未夠黑!

撰文:吳子生
出版:更新:

無綫遊戲節目《思家大戰》,自開播以來一直大受歡迎,轉眼間第一季已經進入最後衝刺階段,只剩下最後兩集。早前思捷為了保護家中長期病患長者,留家抗疫多時的他改以 WFH 方式隔空主持節目,結果獲網民大讚非常有創意兼過癮:「在家都做得好好睇,成班朋友都玩得好開心」、「用『走入框框』來『突破框框』,也是一種創意!」同時亦帶挈「2D 思捷」幕後「推手」、《思家》暖場主持一蚊 Joe(游莨維)人氣急升,網友留言表示:「喜歡一蚊Joe 的小動作,好玩!」、「成晚推住架車,真係辛苦晒!」

一蚊 Joe 做幕後「推手」雖然唔多見到樣,但佢依然落力做動作搞氣氛,又好認 真咁記好晒啲走位,好專業!

對於有份拍攝《思家》,一蚊 Joe 受訪時大嗌好玩:「呢個節目全球都好出名,思捷搵我做暖場主持,我真係開心都嚟唔切。思捷希望個節目有現場觀眾,所以需要暖場主持帶動氣氛,佢畀呢個任務我時我應承佢用條命嚟炒熱個氣氛。」談到思捷又做主持又做監製,一蚊 Joe 坦言從對方身上學到不少東西:「思捷好堅持一定要綵排,台前幕後都需要好清楚節目嘅流程,遊戲節目最重要就係唔好 NG,因為一 NG 道氣就斷咗。即係假如個嘉賓贏咗比賽,但有嘢錯咗要重拍,咁咪冇咗個真實反應咯。」

推車 12 粒鐘冇停過談到最近因轉型幕後「推手」引發關注,一蚊 Joe 謙虛謂:「多謝網民關心同傳媒報道,其實做得暖場主持都預咗唔會見到自己個樣。今次思捷畀呢個任務我,佢都好緊張,仲拍埋片同我講應該點樣做。」他透露拍攝當天一次過錄晒三集,由早上 10 點錄至晚上10 點半:「每組嘉賓拍之前都要綵排,變相即係全日推咗 6 次車。嗰 12 個鐘真係冇停過咁滯,但又唔算太辛苦!」

一蚊 Joe 坦言從中學到唔少嘢。

入行 16 年的一蚊 Joe,又感性指辛苦其實是相對的,他透露曾為劇集《當旺爸爸》扮演焦屍,雖然出鏡時間很短,但背後故事卻一匹布咁長,他說:「首先用咗兩個鐘化妝,去到現場導演覺得效果唔夠,仲要再加炭粉,啲炭粉入晒耳仔、眼同埋指甲;然後個廠又凍,我淨係着短衫短褲。」等埋位等足 2 小時的一蚊 Joe,笑指最終雖然只有兩句對白以及拍畢後病倒,但回想起該段經歷,還是覺得是過癮多於辛酸。

一蚊 Joe 當年喺《當旺爸爸》扮演焦屍,雖然化到黑媽媽兼且捱病搞到病咗,但 佢回想番都覺得好過癮。
一蚊 Joe 當年喺《當旺爸爸》扮演焦屍,雖然化到黑媽媽兼且捱病搞到病咗,但 佢回想番都覺得好過癮。
+2