邵國華設靈│黃淑儀因邵國華鼓勵而出烹飪書：佢介紹出版社俾我
撰文：蘇國豪
出版：更新：
著名DJ邵國華上月離世終年64歲，今日(15日)在沙田寶福山寶福紀念館設靈，除了黎海珊之外，藝人黃淑儀（gigi)亦有前來致祭，原來因為一個電台節目而令Gigi姐同邵大哥認識，更因為邵大哥的關係及幫助下，令到Gigi姐可以出烹飪書，gigi 姐在接受訪問時表示：「其實我識邵大哥係透過電台，我係佢聽眾嚟。有一次佢訪問我講到烹飪，之後有好多聽眾問我烹飪嘅問題，咁做完節目之後邵大哥就話「你真係識煮嘢啵」咁我話係呀，佢話「你有冇諗過出烹飪書？」我話冇，佢話得咁我介紹出版社俾你，咁即刻第日出版社同我傾咗。」
而gigi姐亦講道每年出烹飪書都會同邵大哥講：「打電話多謝佢，唔使佢一定嚟撐場，唔使佢咁辛苦，不過我都好多謝佢。」而對上一次二人見面則在香港電台。