葉蒨文自嘲「少數族裔」遭網民評擊 疑不堪壓力刪留言平息事件
撰文：吳子生
出版：更新：
TVB新劇《金宵大廈2》黃婉華將自己塗黑扮演菲律賓外傭竟成為國際新聞焦點，引發種族歧視之爭。而日前《愛回家之開心速遞》的 「Candy」葉蒨文就在Facebook上發文，自嘲也是「少數族裔」的言論卻辣㷫不少網民，遭到留言辱罵。
葉蒨文自嘲也是「少數族裔」，少工作數量嘅族裔。（FB圖片）
事隔兩日，葉蒨文疑不堪壓力，今日（18/4）竟在Facebook發文宣佈要將相關言論隱藏，疑為事件降溫避風頭：「抱歉基於某些自己義務責任上的原因要將 post hide 左, 但係好高興同大家互動交流左咁多, 多謝大家咁支持演員呢一個工作! 冇諗過發表自己小小嘅愚見短短10小時會有咁大嘅 迴響同轉載 我覆咗唔少嘅留言, 同大家傾咗好多計, 大家講嘢都好真摯, 我亦都覺得有好多人好明白我, 冇特別曲解亦都好願意聽我嘅意思, 我好感恩, 感激大家喺呢個網絡時代會咁嘅耐性去同我互動, 真係去傾偈交流, 去了解大家互相嘅諗法, 係難得嘅!」
(IG:sophieysm)
(IG:sophieysm)