聲生不息|網傳第二集歌單 林曉峰唱《富士山下》勇氣可加

撰文:鄺鈺瑩
出版:更新:
林曉峰因為《披荊斬棘的哥哥》人氣急升。(林曉峰微博圖片)

無綫與芒果TV攜手合辦嘅音樂節目《聲生不息》,集香港及內地殿堂級歌手與新生代歌手。而去年因參加真人騷《披荊斬棘的哥哥》嘅林曉峰(阿Lo)亦在名單之內,之前有網民以為阿Lo係負責主持部分。

網上流傳嘅第二集歌單。

直到首集出場名單公開後,阿Lo原來係會重新演繹張學友嘅《寂寞的男人》,而喺近日網上傳出節目第二集單歌,只見阿Lo將會挑戰陳奕迅嘅《富士山下》,對於非唱家班出身嘅佢,接連挑戰兩化歌神嘅作品,勇氣少啲都搞唔;而在首集重新演繹《蜚蜚》嘅炎明熹,在第二集網傳歌單之中,將會挑戰大滿貫莫文蔚嘅單曲作品《呼吸有害》;至於楊千嬅將會演繹梅艷芳嘅《似水流年》。

有指每位歌都唔會知道其他歌手會唱咩歌,亦可能因為咁,第二集先會有兩首陳奕迅作品出現。

內地網民睇完第二集網傳歌單之後,都笑指陳奕迅雖然無份參加節目,但存在感十分強,因為首兩集佢嘅作品都有被揀選,而第二集除咗阿Lo之外,李克勤將會演繹陳奕迅嘅《葡萄成熟時》。

炎明熹隨時有望以《聲生不息》打開內地市場。(IG圖片)