【迷】簡淑兒原來係珠寶店太子女 贊助藝員首飾住凱旋門好富貴
撰文：林通賢
出版：更新：
簡淑兒雖然低調，無講過自己屋企做珠寶生意，不過都為屋企人造生招牌。（網上圖片）
除了贊助藝人，簡淑兒家人經營的珠寶店，亦有同TVB合作。2010年同林峯、阿Sa主演的《翡翠明珠》合作，購物送飛。（網上圖片）
貴為新上位宅男女神的簡淑兒，在《迷》劇中同綁匪合作，想攞阿媽田蕊妮4百萬，最後慘死收場。不過現實中，她應該不會太財困，因為今日有雜誌報道，原來她父母經營珠寶生意，在上水及將軍澳均有開設專門店，簡淑兒亦有幫家人作生招牌，幫手做代言人兼模特兒，甚至贊助過TVB及亞視藝人鑽石首飾出席活動。
簡淑兒2012年出道至今，都好少提及家人，最多只交待有6兄弟姊妹，平時返電視城或出席公開活動，亦沒有司機接送，即使有傳她家住九龍站豪宅凱旋門，她都極少提及，所以只有相熟朋友先知她原來家境都中上。如今富貴家底曝光，但簡淑兒都不想多提，她以WhatsApp回應《香港01》，她說：「屋企人嘅嘢我唔想講呀，唔好意思，….其實都係小生意啫…（有兩間舖都唔少喎？）我唔知呀…唔好意思！」簡淑兒靚女仲要有家底，各位真係要加倍努力先可以追到女神啦！
簡淑兒在《迷》劇中相當搶鏡，雖然中段死去，但無損她的人氣。（網上截圖）
簡淑兒現忙拍《平安谷 逐個捉》，戲分亦不少。（網上圖片）
簡淑兒今次在《迷》中飾演Chloe，但最深入民心一定係《愛．回家》的Elsa。（網上圖片）