孫慧雪死慳死抵投資基金 招致損失慘重：當時仲係入世未深
撰文：吳子生
出版：更新：
阿雪今日現身電視城出席劇集宣傳活動。（葉志明攝）
孫慧雪（阿雪）今日（29/4）現身電視城出席my TV SUPER創富為題材原創劇《OPM》宣傳造勢活動。講到投資理財方面，阿雪自嘲一竅不通，還透露早年前聽人游說投資基金，搞到最後蝕錢離場：「其實喺二十幾年前，我仲係入世未深嘅時候，聽個經紀講話要為自己儲定啲錢為將來生活打算，仲話會喺幾多年之後攞返會有一大筆錢。之後我每個月死慳死抵咁將大部份人工攞去供款，點知啲經紀唔做，一個轉一個，搞到最後我睇返所投資嘅基金價值，跌過晒我供咗十幾年嘅本金，真係好慘。不過經過呢次之後，我唔敢再聽人講話去再投資，反而而家都係選擇買樓補值。」
阿雪透露曾經投資失利有陰影。（葉志明攝）
同劇演員大合照。（葉志明攝）