【與諜同謀】網民負評太快 李佳芯:第二集已經有comment?

撰文:林迅景
出版:更新:
《與諜同謀》中李佳芯演媽媽角色,其實都演得幾神似。(TVB劇照)

《與諜同謀》本周首播,開播兩日收視不俗。雖然大家都將焦點放在回歸大台拍劇的羅嘉良上,但是飾演女一的李佳芯也是焦點!不過其演技就受到網友質疑,投訴李佳芯演出時表情不足及演技需要「惡補」云云。

網民話李佳芯演技差喎!不過拍埋「撈家」羅嘉良度自然啲唔好咩?(TVB劇照)

有網友評論説李佳芯「應該做住配角先,等ready先擔正,唔好糟蹋劇本」,但也有一些網民留言,劇集只播放了兩集,不能太快下定論,更説李佳芯的演技雖然未算很好,但也不算差,亦有進步空間。

睇《與諜同謀》劇照,又不太覺得李佳芯沒有表情。(TVB劇照)

而Ali在接受01記者whatsapp訪問中則開心回應到:「第二集已經有comment。」也解釋到:「今次套劇劇種需要時間去煲,希望觀眾會有耐性留意到我哋嘅轉變。加上今次是扮演一個媽媽,所以表情不會太誇吧!(其實很多人都like你個角色,話好match)係咪㗎?而且襯埋撈家到舒服匹配就好。」其實劇集只播了幾集,話晒都係撈家回巢劇,劇迷還是再慢慢煲,睇吓劇情發展Ali的發揮再下定論。

李佳芯在《與諜同謀》呢個表情其實都有戲㗎!仲有啲可愛。(TVB劇照)