食腦喪B｜馬貫東演殺手打到成身傷：小腿肌肉痛足成星期

馬貫東今日（10/5）現身電視城出席無綫劇集《食腦喪B》宣傳活動。馬貫東在劇中飾演日本秘密組織殺手，同時也是他首次拍動作戲。他直言拍得很過癮：「大家可能睇嘅時候，都會覺得打得好輕鬆，同時打出嚟靚仔就得，其實原來唔係。因為武師要求打出嚟要有節奏，同埋我呢個打發有啲唔同，要飛簷走壁個種，咁所以都幾危險。不過如果危險性好高嗰啲，都會由替身幫我去完成。我試過連拍兩日打戲，周身骨痛成身都散晒，尤其係小腿啲肌肉痛足成個星期，要搽止痛膏。」