馬在驤被封星二代男神 媽咪張筱蘭:再揀都揀老公馬德鐘!

撰文:
最後更新日期:

馬德鐘嘅18歲仔仔馬在驤(Xiang)可以被譽為星二代男神,好明顯是因為遺傳了父母的優良基因,近日媽咪張筱蘭就上載了仔仔處男下海行泳衣騷的照片,Xiang當然要展現一副好body啦!

Xiang似乎有點怕醜要用雙手掩胸,原來daddy馬德鐘都在場!

Xiang行騷爸爸馬德鐘同媽咪張筱蘭,當然要撐場!

有網友話Xiang好似謝霆鋒,媽咪話霆鋒太靚仔唔敢將仔仔同佢比,希望Xiang將來都可以好似霆锋一樣事業有成就!

其實今次Xiang行泳衣騷父母都係現場睇住,唔知係咪呢個原因已經係泳將Xiang似乎有點怕醜,要用雙手掩胸,daddy馬德鐘之後就係微博留言話:「我當年也是走泳衣秀的!」其實下次可以搵下兩父子一齊行騷,應該都好又睇頭。而媽咪張筱蘭接受《香港01》訪問時表示,仔仔一點都不怯場,仲話佢有個人風格,至於被譽為星二代男神,媽咪話有人欣賞當然開心,但Xiang仲好年輕,希望大家能多多提點及支持佢!

曾經代表學界游水的馬德鐘,運動基因都有傳俾仔仔,早前Xiang就在學屆A Grade游泳比賽亦在200米自由式及200米個人四式取得一金一銀佳績,張筱蘭透露Xiang幾乎淩晨4點半就會出門練水,練完就返學,放學後又去練,目的就係想打破個人游泳記錄,「這是非常不容易的事,失敗多過成功,所以訓練到佢從失敗中學習成功,訓練到佢成為一個好堅持、有紀律及有責任感的人!」

被問到如果年輕20年,會鐘意好似老公咁嘅類型還是仔仔,她表示再揀都㨂老公馬德鐘,真係好鬼sweet,「因為佢創作、音樂及藝術比較强,而我自己就喺一個非常邏輯、數學分析的人,大家可以互補不足!」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。