360秒人生課堂│前港男單俊偉轉戰保險界 當年入行6個月賺得3萬

撰文:林通賢
出版:更新:
單俊偉為前港男現投身保險界。

《360秒人生課堂》昨晚播出的一集中,其中一位演講嘉賓單俊偉,原來是於2007年選畢香港先生後加入第22期藝員訓練班,曾參與不少劇集演出,之後單俊偉退出娛樂圈轉戰保險業,並與Tony一樣見盡人情冷暖。

曾於TVB營業部工作的Tony,當年暑期工曾當過街頭推銷員、並因而遭同學冷眼。不過由於當年於TVB業績高達數千萬一年,心雄的Tony未幾轉戰另一公司企圖大展拳腳,豈料業績光速下滑至「零」,令Tony陷入低潮:「原來唔係我SELL得,啲客係因為TVB先買,我甚麼都不是。結果上司無條件送單畀我渡過被炒嘅難關,我接過張單,內心有種講唔出嘅慚愧,原來畀人睇唔起唔係淪落,真正嘅淪落係連自己都睇唔起自己。」之後Tony用盡千方百計學習銷售技巧,更曾為此到美容院及健身中心工作,最終推銷事業再登巔峰:「人生都必須銷售,見工同僱主Sell自己,拍拖同伴侶Sell自己,銷售唔係工作咁簡單,係人生技能。米高佐敦講過:『人生可以接受失敗,但唔可以接受放棄』,如果可以視淪落為推動力,可能就係突破人生嘅機會。」

單俊偉初做保險時,曾被家人、朋友撥冷水。

聽畢Tony的故事,單俊偉感觸表示甚有同感,並謂當初加入保險業亦是聽盡冷言冷語,幸好自己咬緊牙關、最終捱出成績:「我身邊親友、包括父母都問我:『你大學畢業,點解唔搵份正正常常嘅工去打好佢?』連屋企人都咁樣打擊,我係有啲唔開心。又試過同身邊朋友分享啲計劃想幫佢哋,但佢哋會話我哋買齊晒喇、唔需要喇,以為佢哋會想支持我,原來又未必係。記得頭六個月加入保險業,我加埋搵咗三萬幾蚊,但我好想發奮去證明我得嘅,好彩最終都攞到認同。」