Supper Moment北上巡演 江門夜場開騷劃一票價好超值
撰文：鄺鈺瑩
出版：更新：
Supper Moment去年在香港舉行兩場的《一直相信音樂會》，音樂會今年北上巡演。(微博圖片）
曾以「做音樂都要錢」嚟解釋北上賺人仔嘅Supper Moment，內地巡唱正式展開，雖然深圳站因疫情關係而延期，但其他地方暫時未受影響。本月底將會江門開騷嘅Supper，全場劃一票價280人仔，用一餐晚飯嘅價錢嚟睇天團，難怪唔少樂迷都話抵！
全場票價280人仔。(微博圖片）
Supper過往曾在香港嘅九展、紅館、會展開騷，票價最貴約$780，幾乎每次都一票難求（除2021年的《一直相信演唱會》) ，但今次內地巡演，大多在live house，如本月底在江門的Super east CLUB，是位於酒店內的酒吧；除咗巡演之外，Supper亦有商演活動，像本月中，他們出席廣州W酒店9周年活動，屆時將在酒店的妃吧演出，觀眾只需在酒吧內消費，就可以睇到Supper嘅演出。
廣州ｗ酒店的妃吧每晚都有駐場歌手演出，觀眾邊飲酒邊睇Supper Moment，應該係一種享受?！（大眾點評圖片）
Live House好處之一應該係可以同觀眾嘅距離更靠近。