【傅家俊都輸】 鄭少秋火焰「七重天」救波 倚天Cue先係天下第一
撰文：林通賢
出版：更新：
如果沙比係世界第一，《桌球天王》的秋官，一定是宇宙第一。（網上圖片）
傅家俊Marco在威爾斯舉行的球員錦標賽8強，擊敗一哥沙比（Mark Selby），其中Marco在比賽中救出多球「士碌架」，令沙比在賽後都大讚他表現出色，Marco發揮超水準，沙比的「set」波亦不是流，但比起TVB劇集《桌球天王》中的鄭少秋，其實兩位都未夠水平。
《七重天》在桌球界冇人不識，有興趣打枱波的朋友，真是要翻睇，秋官點打出七重天。 （網上圖片）
秋官在《桌球天王》的Cue法，相信是前無古人，當中最出名的「士碌架」、「七重天」，除了秋官，世上沒有人救到，首先白波被黃波、綠波、藍波、粉紅波、啡波包圍，見到這個畫面，相信一哥沙比見到已經投降。不過秋官認為救到都只是基本，所以佢救波之餘，還要將14個紅波和黑柴一次過打入哂， 秋官在《桌球天王》中完美演繹，當時滕麗名亦在場，更在場大叫：「好犀利呀，真係入咗!」係呀！真係好利害！
當然一Cue清枱對秋官也不是難事，如果在波樓撞到秋官要小心，無論如何都不要跟他打「波鐘」，或者當他出Cue要小心，因為當他用「倚天Cue」時，一出力Cue身會出現老虎及火欿，如果用屠龍Cue就會出龍捲風，所以大家要行開一點，以免遭氣勁所傷，打波啫，沒必要搵命博。
郭政鴻咁樣擺紅波，波樓老闆點會唔投訴呢？（網上圖片）
其實除了秋官外，亦不要和鄧健泓、郭政鴻打枱波，鄧健泓是秋官徒弟，呢點應該好易明！但郭政鴻都不要和他打，因為他擺波相當痳煩，愛表演花招，先將紅波拋上天再接，之後要打個側手翻，先將紅波放枱，開波都要攪大龍鳯，簡直浪費波鐘錢，現在波鐘1小時都過100蚊，慳啲啦！
秋官「倚天Cue」會出老虎及火欿，相信大家都知吧！（網上圖片）