2022香港小姐競選|宋宛穎胞妹抗拒參選有原因:可能我係佢包袱

撰文:吳子生
出版:更新:

應屆港姐冠軍宋宛穎今日(17/5)出席《2022香港小姐競選》「全球招募 最後召集」記者會。宋宛穎透露最近網上有很多聲音,留言叫她幫胞妹報名參加今屆港姐競選:「其實我都好積極咁遊說緊佢,叫佢去參加,但如果佢唔肯嘅話,我係會靜雞雞咁幫佢報名。不過我都有聽佢講過,如果加入娛樂圈佢壓力會好大,因為佢嘅個性係比較文靜啲,除咗呢樣嘢之外,其實可能我係佢嘅包袱。因為佢都會擔心自己贏唔到獎項,變咗佢會覺得辜負咗我哋對佢嘅期望。」

宋宛穎透露正積極遊說胞妹參選今屆港姐選舉。(梁碧玲攝)