向太陳嵐稱郭碧婷第二胎係孫仔 隨時再送重禮：唔關生唔生孫事
撰文：邱愛霖
出版：更新：
著名電影公司老闆向華強太太陳嵐近日從內地回港，氣色不錯。早前她於內地與兒子向佐、新抱郭碧婷及孫女「小奶皇」一齊住，每日弄孫為樂。因疫情嚴峻不便外出，且吃不慣北方人餸菜口味，故向太每日親自操刀下廚，「手機買餸好方便，自己煮囉！每日煮到成身大汗。」
向太指隨時都可以買禮物送給兒子新抱。（梁碧玲 攝）
向太又稱幸好及時離開上海，她說：「梗係香港好啦！上海都幾好，不過好彩我離開咗上海，去咗北京，香港而家安全呀！」問會否即將起程前往台灣探孫女，向太表示：「睇疫情啦！因為佢啱啱開始爆。你想過去睇孫女，中咗招醫院都唔收你，咁我先生都70幾歲，費事啦！」
郭碧婷懷上第二胎，向太透露即將多個孫仔。去年向太被爆於台北斥資1.65億港元送豪宅給向佐一家三口，問新抱生後會否再送樓獎勵，她說：「唔關話生唔生孫嘅事，我哋隨時都可以送嘢俾佢，呢個唔係生唔生嘅事。而家啲後生，冇得話迫佢生，或者唔生都係佢哋決定，或者生幾多，我哋啲上一代都冇得話事嘅。」
向太陳嵐今日（19日）出席珠寶博覽開幕活動。（梁碧玲 攝）
向佐告白「生命中最重要兩個女生」 郭碧婷遮肚飄孕味疑有第二胎
+21