Gin Lee傳不滿無獎攞離巢環球：獎項好重要係一個肯定
撰文：吳子生
出版：更新：
Gin Lee (李幸倪)今日（19/5）現身將軍澳邵氏影城出席無綫歌唱選秀節目《聲夢傳奇2》記者會。對於有傳她因不滿環球與無綫(TVB)破冰後冷待了其他平台，令她不能在各大音樂頒獎禮獲得佳績，所以決心離巢。Gin Lee表示：「其實每次我有新歌有新專輯，我都希望樂迷會鍾意，各個平台都會鍾意，亦都希望得到大家嘅支持。同埋有好多嘢唔係我可以控制得到，因為當中有好多因素。獎項對我嚟講都好重要，係一個肯定嚟，當然有獎攞係開心嘅。冇獎嘅話咪繼續努力囉。」
Gin Lee透露仍有一段時間，才正式離開環球。（陳順禎攝）
Gin Lee續說離開原因：「我主要係想換一個新嘅環境，去接受一啲新嘅挑戰。其實我做呢個決定並唔容易，畢竟我哋合作咗8年嘅時間，亦好感恩公司咁栽培我。咁所以喺呢個階段我好想搵啲新嘅衝擊俾自己。」
Gin Lee表示獎項好重要，是一個肯定。（陳順禎攝）