TVB新組合Super Tiger齊集排舞 袁偉豪忍唔住笑：不如你哋改名啦
撰文：鄺鈺瑩
出版：更新：
新加入嘅葉泓聲（Gordon）似乎係Super Tiger「C位」 (影片截圖）
換入新血嘅Super Tiger 2.0即將喺《萬眾同心公益金》上，與袁偉豪齊齊演繹歌神張學友嘅快歌作致敬，《娛樂新聞台》直擊眾人綵排實況。袁偉豪表示自己入行後首個綜藝節目係07年嘅《舞動奇蹟》，已經十幾年冇跳舞兼且以直播形式演出，佢都話要做好仔細嘅準備功夫。「例如要食得夠，又唔可以太瘦，又要記舞步，咁好在Super Tiger真係……一講Super Tiger就笑，不如你哋改名啦！個個都係跳得之人，比我信心更大。」到底點解一講Super Tiger就會笑？相信只有袁偉豪自己先知。
唔跳得都一定好CHOK得。(影片截圖)
訪問中，有Super Tiger成員指邵展鵬被監製指似張學友，問到自覺邊部分最似，邵展鵬：「首先歌一定唔似先啦，好難扮到，盡量喺舞步上跟返學友哥。」到底係監製對張學友認識未夠深，定係邵展鵬太有魅力令邵展產生錯覺呢?！
邵展鵬被監製指似張學友。（IG圖片）
點擊睇Super Tiger新血
+1