最靚仔巴裔警員范業成 喬寶寶一早識:佢好想服務社會

撰文:
最後更新日期:

喬寶寶(左三)入行前曾在懲教署任職一級懲教助理,曾在宣傳活動上認識勇救同鄉的靚仔巴裔警員范業成(Ifzal Zaffar)(右三)。

日前一名巴基斯坦裔警員勸服同鄉從吊臂車安全返回地面,個個讚佢夠機智做得好,而該名巴基斯坦裔警員叫范業成(Ifzal Zaffar),今年僅20歲,駐守油麻地警署軍裝巡邏小隊第一隊,是一名土生土長的香港人。范業成在網上火速成為紅人,網友大讚他高大有型,獲封警隊新男神。

巴漢爬上吊臂車頂 新紮同鄉警勸服自行落地

巴籍警員願成榜樣 籲南亞裔青年加添自信

今次紀律部隊發現靚仔巴裔警員,原來范業成同入娛樂圈前前曾在懲教署擔任一級懲教助理的喬寶寶認識,《香港01》記者致電喬寶寶,他表示兩人相識於賽馬會宣傳教授中文的活動︰「我哋圈子好細,通常民政處搞活動都會叫我哋!」問到關於范業成,喬寶寶大讚對方︰「真人仲靚仔!(好熱血?)通常做紀律部隊都好想服務社會。」他亦讚范業成有潛質入娛樂圈,又指身邊都有不少靚仔同鄉︰「我哋輪廓深、鼻高高,尤其印度北部嘅人生得高大啲!」他又指︰「懲教署都有好多靚仔!依家呢一代識聽同寫中文,都多咗好多工作機會。」他指現時在紀律部隊中,懲教署聘請最多南亞裔人,其次為警隊。

不過喬寶寶笑指雖然年輕的南亞人高大,亦因為經常進食煎炸食物的飲食習慣而增加中年發福的機會︰「後生通常都好瘦,但結咗婚腰圍都由32吋變38吋。」問到介紹後生仔同鄉入行,他直言現時年輕人工作機會多,不一定要娛樂圈︰「始終香港人崇洋,我哋深色皮膚冇咁著數,同埋依家間唔中都有南亞人打交嘅新聞,都會影響咗我哋嘅影像。」咁就要靠范業成繼續維持正義啦!

范業成(Ifzal Zaffar)今年20歲,駐守油麻地警署軍裝巡邏小隊第一隊,網民大讚高大有型,更獲封警隊男神。(Facebook圖片)

范業成昨日勸服同鄉從吊臂車安全返回地面,英姿被網民捕捉,大讚型仔。(網上圖片)

據悉范業成(Ifzal Zaffar)(圖右)現時單身,各位要留意啦!(Facebook圖片)

范業成(右)穿上民族服,一樣靚仔。

范業成感覺好陽光。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。