陳展鵬53小時冇覺瞓? 拍《天命》真係攞命:拍完講好要唞一排!

撰文:
最後更新日期:

胡定欣與陳展鵬都想《同盟》食住《城寨英雄》個勢。(黃國立攝)

陳展鵬及胡定欣出席香港影視博覽的TVB節目巡禮,宣布本年度劇集之一《同盟》。問到劇集會否如《城寨英雄》般食住暑假黃金檔期出街,兩人表示:「當然想在多些人看到的時段播啦,不想放喺新年好似嘥咗,我都問過Jazz(監製文偉鴻),佢都實牙實齒話今年實出到街,不過幾時就留返公司決定。」

兩人各自擔正TVB 50周年重頭劇,陳展鵬形容拍《天命》要咬緊牙關,除了之前試過53小時冇瞓過覺,煎Pan仲話搞到自己五勞七傷:「搞到自己好似豆腐咁,真係拍到周身傷,尤其個菠蘿蓋,都驚之後轉天氣會痛,之後又有大感冒,拍完呢套講好咗要唞一排,希望『大難不死,必有後福』。」

陳展鵬話拍《天命》真係好heavy。(資料圖片)

陳展鵬跟狄龍囝囝譚俊彥合作《天命》,想不到展鵬拍攝該劇53小時冇得瞓。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。